Mwongozo wa Muumba

Amewapa sharia ya Dini

aliyomuusia Nuh na

tuliyokupa wahyi wewe, na

tuliyowausia Ibrahim na

Musa na Isa, kwamba

simamisheni Dini wala

msifarikiane kwayo. Ni

magumu kwa washirikina

hayo unayowaitia. Mwenyezi

Mungu humteua kwake

amtakaye, Na humwongoa

kwake aelekeaye.

Read More

Tahadhari usijiharibu ukamwaribu mwanao:

Ndani ya Qur`ani Tukufu mara kadhaa vitendo vya kizazi kimoja pia vimehusishwa na vizazi vilivyofuata. Mathalani vitendo vya zamani vya Wana wa Israeli vimehusishwa kwa Wayahudi wa zama za Mtukufu Mtume [SAWW]. Qur`ani Tukufu inasema kwamba watu hawa wanastahili fedheha na utwezo kwa sababu walikuwa na kawaida ya kuwaua Manabii. Hilo lilisemwa kwa sababu kufuatana na mtazamo wa Qur`ani Tukufu Wana wa Israeli wa zama za Mtukufu Mtume walikuwa muendelezo na nyongeza ya wahenga wao ambao walikuwa na kawaida ya kuwaua Manabii. Si hilo tu, lakini kufuatana na mtazamo wa fikira ya pamoja walikuwa ni watu wale wale kabisa wa hapo kale ambao waliendelea kuwepo. Mwanafalsafa Mfaransa, Auguste Comte anasema: “Jamii ya binadamu inayo watu wengi zaidi waliokufa kuzidi walio hai.” Kwa maneno mengine, katika vipindi vyote vya historia watu wa kale huathiri jamii ya binadamu zaidi kuliko watu walio hai. Usemi kwamba “Wafu wanaendelea kuwatawala walio hai zaidi na wakati wote,” maana yake ni ile ile. (Kutika: Main Currents in Sociological Thought, Vol, I, p. 91)

Read More

Zuia uhalifu kwa maslahi yako mwenyewe na ya taifa lako:

Mtukufu Mtume [ SAWW] alipokuwa akielezea falsafa kuhusu ushawishi wa kutenda mema na kujizuia kufanya maovu, ametumia mfano mzuri sana. Alisema: “Kundi la watu lilipanda mashua na kuanza mwendo katikati ya bahari. Kila abiria aliketi kwenye sehemu yake. Mmojawapo wa abiria kwa kisingizio kwamba mahali alipo keti ni sehemu yake peke yake, alianza kutoboa tundu pale alipoketi. Endapo abiria wengine kwa haraka wangemshika mkono na kumkataza asitoboe tundu, hawangejiokoa wao tu bali pia wangemuokoa yeye.”

Read More

HEKIMA

Mtume (saww) alisema: "Bahili mkubwa kushinda wote ni yule asiyetoa salamu."

Tafakari kabla ya Kutenda.

Read More